De MIL Chouer – e Chouer fir jiddereen

Dir sangt gären ? Dir maacht gären eng flott Aktivitéit mat Äre Léifsten zesummen ?

Da kommt all zweet Woch Samschdes vun 10:30-11:30 Auer op Ierpeldeng an de Festsall vum Wunn- a Fleegeheem „Beim Goldknapp“ fir an eisem inklusive Chouer matzesangen. Méi Infoen ënnert info@milasbl.lu

Jiddereen ass wëllkomm! E Mënsch mat Demenz soll vun enger Bezugspersoun begleet sinn.

Um Programm stinn Opwiermübungen fir de Kierper an d’Stëmmbänner, kleng Sëtzdänz, einfach Lidder am Kanon an da studéiere mer zesumme bekannte lëtzebuergesch, däitsch a franséisch Lidder an (Wéi meng Mamm nach huet gesponnen, Kiermes am Duerf, Lili Marleen, Sur le pont d’Avignon a vill anerer).

Nächst Seancen:

6. September 2025 um 10:30 Auer mam Jenny Spielmann

13. September 2025 um 10:30 Auer mam Georges Urwald

20. September 2025 um 14:15 Auer: Concert um Weltalzheimerdag op der Place Clairefontaine mam Georges Urwald

4. Oktober 2025 um 10:30 Auer mam Noémie Leer

Duerno iwwerhëllt d’Noémie Leer de Chouer am 2-Woche-Rhythmus

Eng Zesummenaarbecht vun der MIL asbl mam INECC an der Association Luxembourg Alzheimer.

Ënnerstëtzt vun der Oeuvre Nationale de Secours Grande-Duchesse Charlotte

Mir organiséieren och Concerten. Eise nächste Concert ass den 20. September um 14:15 Auer op der Place Clairefontaine am Kader vum Weltalzheimerdag.

Fotoen: Gilles Seyler