Eemill, zweemill, …

SAVE THE DATE: 12. an 13. Oktober 2019 mam Georges Urwald and friends am Fleegeheem „Um Goldknapp“ zu Ierpeldeng

Concert mat de Liiblingslidder vun de BewunnerInne vun Ierpeldeng

Wa mer Projete fir Mënschen, déi Demenz hunn, wëllen initiéieren, musse mer probéieren, si an hir Biografien sou gutt et geet, mat anzebannen. Dës Weidere muss och de Kader stëmmen an un hir Besoinen ugepasst ginn. 

Aus deenen Iwwerleeungen eraus koum eis d’Iddi, déi Betraffe sellwer – bzw. iwwert hir Familljen a FleegerInnen – no hire Liiblingslidder ze froen.

Mir hu ronn 40 Lidder gesammelt an an zwou Gruppen agedeelt: Lëtzebuerger Traditiounslidder, déi ganz beléift sinn, an international Lidder. Vu datt d’Lëtzebuerger Lidder dominéiert hunn, hu mer deem Volet elo mol d’Prioritéit ginn.

De Georges Urwald huet sech bereet erkläert, den artistesche Lead vum Projet ze iwwerhuelen. D’Bühnebildnerin Anouk Schiltz konzipéiert e mobilt Bühnebild, dat ëmmer erëm op de verschiddenste Plazen nei opgebaut ka ginn. Dëst Bühnebild soll eng ganz festlech Stëmmung zauberen an d’Leit an eng aner Welt entféieren.

De Concert géing dann och fir d’éischt fir déi gespillt ginn, déi d’Programmatioun mat inspiréiert hunn: fir d’BewunnerInne vum Foyer Goldknapp zu Ierpeldeng, hir Familljen an d’Fleegepersonal. Duerno géinge mer mat dëser Programmatioun gären op Tournée goen.

Wann Der intresséiert sidd, de Projet bei Iech ze weisen, da kënnt Der Iech bei eis mellen: info@milasbl.lu